Wikisłownikarz:Pioter/brudnopis/Witler
וואַרשע[edytuj]
אין האַרצן דאָ בײַ מיר ברענט אַ פֿײַערל
אויף דעם וואָס איז אַוועק –
קראָכמאַלנע און די נאַלעווקעס
און די סמאָטשע און די לאַזשינקע.
חסידימלעך, נגידימלעך,
ציוניסטעלעך, בונדיסטעלעך,
געקעמפֿט דאָרטן גאָר אָן אַן עק.
איך וויל פּראָבירן פֿאַרגעסן הײַנט
וואָס האָט צו דיר געטאָן דער פֿײַנט,
און זאָגן איצט צו דיר
מיט בטחון אָן אַ שיעור:
וואַרשע מײַן, דו וועסט ווידער זײַן
אַ ייִדישע שטאָט ווי געווען
וואַרשע מײַן, דו וועסט ווידער זײַן
פֿול מיט ייִדישן חן
אונטער גריניקע בוימעלעך
וועלן משהלעך און שלומהלעך
לעבן און שטאַרבן אַזוי ווי פֿריִער.
פֿאַבריקעלעך, מלאָכהלעך,
חדרימלעך און שולעכלעך
ווידער אויפֿבויען וועלן מיר.
חכמה און קולטור
צו האָבן אַזאַ יאָר.
ווי שיין דײַן ייִדיש לעבן איז געווען!
וואַרשע מײַן, דו וועסט ווידער זײַן
האַרציק ייִדיש ווי עס איז געווען.