Wikisłownikarz:Pioter/brudnopis/Bund lider

Z Wikisłownika – wolnego słownika wielojęzycznego
Przejdź do nawigacji Przejdź do wyszukiwania

די שבֿועה[edytuj]

Exaile bw.png

וואַכט אויף![edytuj]

ווי לאַנג, אָ ווי לאַנג וועט איר בלײַבן נאָך שקלאַפֿן
און טראָגן די שענדלעכע קייט?
ווי לאַנג וועט איר גלענצענדע רײַכטימער שאַפֿן
פֿאַר דעם וואָס באַרויבט אײַער ברויט?

ווי לאַנג וועט איר שטיין, אײַער רוקן געבויגן
דערנידריקט, היימלאָז, פֿאַרשמאַכט?
עס טאָגט שוין! וואַכט אויף! עפֿנט אײַערע אויגן!
דערקענט אײַער אײַזערנע מאַכט!

קלינגט אומעטום אין די פֿרײַהייטס־גלאָקן!
פֿאַרזאַמלט די לײַדענדע קנעכט!
און קעמפֿט באַגײַסטערט, און קעמפֿט אומדערשראָקן
פֿאַר אײַערע הייליקע רעכט!

און אַלעס וועט לעבן און ליבן און בליִען
אין פֿרײַען, אין גאָלדענעם מײַ!
ברידער! גענוג פֿאַר טיראַנען צו קניִען
שווערט, אַז איר מוזט ווערן פֿרײַ!

מחבר: דוד עדעלשטאַט

דאַלוי פּאָליציי![edytuj]

אין אַלע גאַסן וווּ מען גייט
הערט מען זאַבאַסטאָוועקעס
ייִנגלעך, מיידלעך, קינד־און־קייט
שמוסן פֿון פּריבאָווקעס

גענוג שוין, ברידער, האָרעווען
גענוג שוין באָרגן, לײַען
מאַכט אַ זאַבאַסטאָווקע!
לאָמיר, ברידער, זיך באַפֿרײַען!

ברידער און שוועסטער!
לאָמיר זיך געבן די הענט
לאָמיר ניקאָלײַקעלען [1]
צעברעכן די הענט!

היי, היי, דאַלוי[2] פּאָליציי!
דאַלוי סאַמאָדערזשאַוויע[3] וו[4] ראַסיי[5]!

ברידער און שוועסטער!
לאָמיר גיין צוזאַמען
לאָמיר ניקאָלײַקעלען
באַגראָבן מיט דער מאַמען

היי, היי, דאַלוי פּאָליציי!
דאַלוי סאַמאָדערזשאַוויע וו ראַסיי!

נעכטן האָט ער געפֿירט
אַ וועגעלע מיסט
הײַנט איז ער געוואָרן
אַ קאַפּיטאַליסט!

היי, היי, דאַלוי פּאָליציי!
דאַלוי סאַמאָדערזשאַוויע וו ראַסיי!

Przypisy[edytuj]

  1. ros. "Николашка" – tu: Car Mikołaj II
  2. ros. долой
  3. ros. самодержавие
  4. ros. в
  5. ros. Россия